Առաքելական Նվիրակը այցելում է Հայաստան
2020 թ.-ի Դեկտեմբերի 5-9-ը, Առաքելական Նվիրակ Արքեպիսկոպոս Ժոզե Ավելինու Բետանկուրը՝ առաքելական նվիրակության դիվանագիտական խորհրդական Հայր Ջուզեպպե Լատեռցայի հետ, այցելեցին Հայաստան:
Այցի ընթացքում Նվիրակը փոխանցեց Հռոմի Պապ Ֆրանցիսկոսի համերաշխությունը, հոգևոր ներկայությունն ու առաքելական օրհնությունը իր այցելած բազմաթիվ համայնքներին և անհատներին։ Նա ժամանակ անցկացրեց Աշոցքի Տիրամայր Նարեկի հիվանդանոցում՝ («Հռոմի Պապի հիվանդանոցը» Հայաստանում) տնօրեն Հայր Մարիո Կուկարոլոյի հետ: Հենց հազարավոր զոհերի պատճառ դարձած 1988 թ. Աղետալի երկրաշարժի 32-րդ տարելիցի նախօրեին, Առաքելական Նվիրակը հիշատակեց Կամիլիան հայրերի անմնացորդ նվիրումը, ովքեր 1991 թ.-ին ՝ Հռոմի Պապ Հովհաննես Պողոս Երկրորդի խնդրանքով, կառուցեցին այս առողջապահական հաստատությունը: Այսօր հիվանդանոցի առաջ խնդիր է ծառացել զբաղվել ՔՈՎԻԴ-19 առողջապահական համաճարակային ճգնաժամով և Լեռնային Ղարաբաղի պատերազմից տուժածներին մարդասիրական օգնություն ապահովելով:
Արքեպիսկոպոս Ժոզե Բետանկուրը կանգ առավ տեղի գերեզմանոցներում՝ հարգանքի տուրք մատուցելու Լեռնային Ղարարաբաղի պատերազմում վերջերս զոհված զինվորներին․ աղոթելու և նրանց հավերժական հանգիստը օրհնելու համար: Սպիտակի Գթության Քույրերի տանը նա արդեն առիթ էր ունեցել ունկնդրել բազմաթիվ պատմություններ պատերազմին մասնակից վիրավոր զինծառայողներից, ովքեր տարբեր ֆիզիկական հաշմանդամություն են ձեռք բերել և Գթության Քույրերը նրանց աջակցում են:
Նույն ժամանակահատվածում, «L’Oeuvre d’Orient» կաթողիկե գործակալության գործադիր տնօրեն Պարոն Վինսենթ Քայոլը նույնպես այցելում էր տարածաշրջանը և Պապական Նվիրակի հետ նրանք կարծիքներ փոխանակեցին առկա կարիքներին օժանդակելու վերաբերյալ:
2020թ. դեկտեմբերի 6-ին, Գյումրիի Սրբոց Նահատակաց կաթողիկէ մայր տաճարում Պապական Նվիրակը մասնակցեց կիրակնօրյա Սուրբ Պատարագին և անձամբ հանդիպեց պատերազմում վիրավորվածների, փախստականների և Լեռնային Ղարաբաղից տեղահանված ընտանիքների հետ՝ ցանկանալով նրանց համբերություն և հավատ։
Հայկական Կարիտասի տնօրեն պարոն Գագիկ Տարասյանը ուղեկցում էր Պապական Նվիրակին և նրանք միաժամանակ քննարկում էին, կաթողիկե մարդասիրական գործակալության տարբեր ծրագրերը, որոնք վերաբերում են բազմաթիվ տեղահանվածներին, վիրավորներին, հակամարտությունից հետո որբ մնացած երեխաների մեծ թվին: Քննարկվեց նաև կորոնավիրուս համաճարակի հետևանքով առաջացած առողջապահական ճգնաժամը, որը խորացնում է բնակչության արդեն իսկ գոյություն ունեցող կենսական խնդիրները։
Երևանում, Առաքելական Նվիրակն այցելեց, Արքեպիսկոպոս Ռաֆաել Մինասյանին՝ Հայաստանի, Վրաստանի և Արևելյան Եվրոպայի Հայ Կաթողիկէ Եկեղեցու Առաջնորդին, իսկ ավելի ուշ Սրբոց հրեշտակապետաց միացյալ հոգևոր ճեմարանի ռեկտոր և Անարատ Հղության Միաբանության քույրերի հոգևոր հովիվ Հայր Մաշտոցին` քննարկելու արժեքավոր մարդասիրական օգնությունը, որ ցուցաբերվում է Լեռնային Ղարաբաղի պատերազմից տուժած փախստականներին և, ընդհանրապես, այն ծանր հումանիտար, քաղաքական և սոցիալական իրավիճակը, որում հայտնվել է հայ ազգը այս օրերին։
Երեքշաբթի օրը, դեկտեմբերի 7-ին, Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը, Մայր Աթոռ Սուրբ Էջմիածնում ընդունեց Պապական Նվիրակին։ Ընդունելության ժամանակ Կաթողիկոսը իր եղբայրական ողջույնները հղեց Հռոմի Ֆրանցիսկոս Պապին և իր գնահատանքը հայտնեց նրան իր աղոթքների համար։ Նրանք խոսեցին հայ ազգի համար ցավալի իրավիճակի մասին և Կաթողիկոսը շնորհակալություն հայտնեց Պապական Նվիրակին Հայաստան կատարած այցի համար:
Անարատ Հղության տոնը հանդիսավոր նշվեց Երևանում՝ Մայր Թերեզայի Գթության Քույրերի տանը, որտեղ երկու նորընծա քույրեր նորոգեցին իրենց ուղտերը Քույր Մարտինայի, իրենց տարածքային Մեծավորի, համայնքի անդամների և Պապական Նվիրակի առջև:
Դեկտեմբերի 8-ին, Առաքելական Նվիրակին ընդունեց արտաքին գործերի նախարարի տեղակալ Պարոն Ավետ Ադոնցը: Ծավալուն քննարկում տեղի ունեցավ Լեռնային Ղարաբաղի նոյեմբերի 10-ին կնքված վերջի զինադադարի պայմանագրի իրագործման վերաբերյալ, ինչպես նաև երկրում պատերազմի արդյունքում առաջացած հումանիտար իրավիճակի վերաբերյալ՝ ռազմագերիների վերադարձի հետ կապված խնդիրները, տարածաշրջանի հայ մշակութային ժառանգությունը պաշտպանելու հրատապ անհրաժեշտությունը և հակամարտության աշխարհաքաղաքական հետևանքները:
Հայաստանում Պապական Նվիրակը հանդիպեց նաև ՀՀ Նախագահ, Պարոն Արմեն Սարգսյանի հետ։ Հանդիպման ընթացքում Պարոն Սարգսյանը փոխանցեց իր սրտագին ողջույնները Հռոմի Պապ Ֆրանցիսկոսին և շնորհակալություն հայտնեց նրան տարածաշրջանում խաղաղությանը ուղղված կոչերի և աղոթքների համար: Հանդիպումը տևեց գրեթե մեկ ժամ և քննարկվեց հարցերի լայն շրջանակ` նախագահի գրասենյակի և հայ ազգի վերաբերյալ, Լեռնային Ղարաբաղի հակամարտության և հարակից խնդիրների վերաբերյալ, հայկական յուրահատուկ և հարուստ մշակութային ժառանգության պահպանության, ինչպես նաև, ազգի ապագան կերտելու անհրաժեշտության վերաբերյալ:
