Սեպտեմբերի 27-ին՝ կիրակի օրը, Ն.Ս.Օ.Տ.Տ. Գարեգին Բ. Ծայրագույն Պատրիարք և Ամենայն Հայոց Կաթողիկոսը (Մայր Աթոռ Սուրբ էջմիածին) հանդիպեց Հռոմի Պապ Ֆրանցիսկոսին Վատիկանում: Սակայն այցելությունը ընդհատվեց, Լեռնային Ղարաբաղում սեպտեմբերի 27-ի վաղ առավոտյան սկսված հակամարտության պատճառով, և պատրիարքը նույն օրը ստիպված եղավ վերադառնալ Հայաստան:
Նորին Սրբություն Գարեգին Բ. Ծայրագույն Պատրիարք և Ամենայն Հայոց Կաթողիկոսը պաշտոնական այցով ժամանել էր Հռոմ (Վատիկան) սեպտեմբերի 26-ին, որտեղ նրան դիմավորել էին Վատիկանի իշխանության ներկայացուցիչները: Ծայրագույն Պատրիարքը Հռոմում գտնվելու ընթացքում պետք է նաև հանդիպեր պետքարտուղար կարդինալ Պիետրո Պարոլինին, Արևելյան Եկեղեցիների Միաբանության պրեֆեկտ կարդինալ Լեոնարդո Սանդրիին և Քրիստոնեական Միասնության պապական խորհրդի նախագահ կարդինալ Կուրտ Կոխին:
Ն.Օ.Տ.Տ. Գարեգին Բ․-ի այցը Հռոմի Պապ Ֆրանցիսկոսին հաջորդիվ էր Արքեպիսկոպոս Պոլ Ռիչարդ Գալագերի 2019թ․-ի նոյեմբերին Մայր Աթոռ Սուրբ էջմիածին կատարած պաշտոնական այցին։ 2019թ․-ի գարնանը, պետքարտուղար կարդինալ Պիետրո Պարոլինը, Ֆլորենցիայում նույնպես հանդիպել է Նորին Սրբություն Գարեգին Բ կաթողիկոսին։
Հռոմի Ֆրանցիսկոս Պապը հատուկ վերաբերմունք ունի Հայաստանի ժողովրդի նկատմամբ և Հայաստանը այցելել է 2016 թվականին: Դրանից առաջ, նա Հայ Առաքելական Եկեղեցու Սուրբ Գրիգոր Նարեկացուն դասել է Ընդհանրական Եկեղեցու ուսուցիչների շարքում: Ավելի ուշ՝ 2018թ․-ին, Վատիկանի պարտեզներում բացվեց մեծն խորհրդավոր սրբի արձանը։ Արարողությանը ներկա էին Նորին Սրբություն Գարեգին Բ․-ն, Մեծի Տանն Կիլիկիո Կաթողիկոս-Պատրիարք Ն.Ս․ Արամ Առաջինը և Գերհարգելի Հայր Գրիգոր Պետրոս XX Գաբրոյանը:
Հայ Առաքելական Եկեղեցին խթանել է հարաբերությունները Հռոմեական Աթոռի հետ: Կաթողիկե եկեղեցու աջակցությամբ Հայ Առաքելական եկեղեցին աշխատում է Իտալիայում բացել նոր աղոթատեղիներ առաքելական եկեղեցու հավատացյալների համար: